VERSE 1
Patimbul be ma sangap ni Jahowa Debatanta
Dok ma mauliate i tu Debata Amanta
Ai pardangolan i sude, nang saluhut na jorbut pe
Dialo Debatanta.
VERSE 2
Tongtong sombaonnami Ho, mamuji salelengna
Dibaen na digomgomi Ho, HuriaMu sudena
Na so tardodo gogoMi, sai ingkon saut do rohaMi
On pe martua hami
VERSE 3
O Jesus, na sasada Ho do anak ni Debata
Naung mago dipangolu Ho diontok Ho do bada
O Jesus, Tuhannami on tangihon sombanami on.
Asi rohaM di hami.
VERSE 4
O Tondi Porbadia i, ramoti ma sudena.
Naung dipalua Kristus i marhite na tinaonNa
Ambati ma sibolis i, padao nang nasa jea i
Papos ma rohanami.
