Rabu, Maret 27, 2019

Lirik lagu BE 144 - NA HOT PADANKU


VERSE 1
Na hot padanku tu Jahowa, binaen ni Jesus Tuhanki
Ai hutadingkon do na roa, hujalo pandidion i
Sai las rohangku ala ni, salelengni lelengna i

VERSE 2
Diparulosi Debatangku, tondingku na marjea i
Paboa sae sude dosangku, au hinaholonganNa i.
Sai las rohangku ala ni, salelengni lelengna i

VERSE 3
Ianggo ulos ni tondingku, tung mudar ni Jesusku do
I do nilehon ni Tuhanku, mamuri ahu dohot ho
Sai las rohangku ala ni, salelengni lelengna i

VERSE 4
Disuru Debata Jahowa, tondiNa mangajari au
Mangalo sasude na roa, huhut pabadiahon au
Sai las rohangku ala ni, salelengni lelengna i

VERSE 5
Nunga disurat Debatangku, goarhu di bukuNa i
Paboa nunga hot jambarhu, na di banuaginjang i
Sai las rohangku ala ni, salelengni lelengna i

Subscribe ke channel ini