Lirik lagu BE 186 - TONGTONG TUTU NA DENGGAN DO

VERSE1

Jahowa do haposanki, na mangapoi rohangku

Na patiurhon dalanki, bulus dibaen langkangku

Sonang tongtong rohangkinon, binaen ni Debatangku

PatikNa do lomongku

VERSE2

Na tau haposan situtu do Ho, o Debatangku

Ai Ho do na tongtong burju, mambaen hangoluanku

Na gogo Ho sai tulus do, sinangkap ni rohaMu

Pasaut na pinungkaMu

VERSE3

Ndang dung dihalupahon Ho, sude na holong roha

Di Ho ai sai dapotsa do, na tau apulapulna

Tung sonang do dibahen Ho, na sai tongtong porsea

Malua sian jea

VERSE4

Sai tatap sitiruonMi, binaen ni Tuhan Jesus

Andorang na di Golgata, mudarNa i lao durus

Sai pos disi rohaNa i, ditiop do AmaNa

Sai tiru ma Ibana.

VERSE5

Antong sai sahat ma tu Ho, au on, o Debatangku

Asi rohaM, sai tait gogo, tu Ho sandok rohangku

Sai togu i tu surgoMi, ai di na tos hosangku

Ho do dapothononku.