Lirik lagu BE 189 - O JESUS NA PANGOLU AU

VERSE1

O Jesus na pangolu au, Anak ni Debata

Asi rohaM sai togu au, sahat tu Debata.

VERSE2

Tutu rohangku sonang do, marningot basaMi

Ai hangoluanki do Ho, di hamamateMi

VERSE3

Ia tarsolsol bagi au, dibahen dosangki

Diapul mudarMi do au, di na huingot i.

VERSE4

Dibuat Ho do arsakki, pahehe rohangkon

Na sonang au binahen ni, di hapogosonkon

VERSE5

On pe hubonom rohangki, tongtong tu rohaMi

Sabam ma au bahenon ni, mangolu tondingki

VERSE6

Sai huhaposi hataMi, ai na sintong do i

Huingot bagabagaMi, na so ubaon i.

VERSE7

O Jesus alealengki, rohaM nama di au

Ai Ho do hangoluanki, nang di na mate au.

VERSE8

Dihalungunhon rohangki, naeng ingananMu au

Antong urasi tondingki, parbadiai ma au.