Selasa, April 09, 2019

Lirik lagu BE 239 - BINSAN RO ASI NI ROHA


VERSE 1
Binsan ro asi ni roha, ni Tuhanta i di ho
Alo ma dirim paboa, jora situtu do ho.

VERSE 2
Sai tundali nasa jea, sai tahopi Debata
Tanda na tutu porsea, ho di Tuhan Debata

VERSE 3
Ia dalan hangoluan, na gogot tutu do i
Unang ho marhamaluan, tagam nasa musumi

VERSE 4
Anggo dalan hamagoan, na lambas tutu do i
Tung tu api do diboan, na disi dirina i.

VERSE 5
Sai papos roham mangalo, alo dosami gogo
Asa unang ho na talu, unang na sumurut ho

VERSE 6
Angkup ni sai martangiang, asa ganda gogomi
Jala sai tongtong ho sirang, sian angka musumi.

VERSE 7
Unang sai matamatahon, arta na di tano on
Jaga ma roham salahon, roha ni portibi on

VERSE 8
Hisapmi tongtong pompomi, sai patunduk dagingmi
Asa unang diintopi, dosa i palitomi

VERSE 9
Sai momosi ma luhutna, naung hinamonangkonmi
Unang loas be malua, ai mansai jorbut do i.

VERSE 10
Ia dung dapotan uli ho, sai unang tois roham
Ai ndang sahat dope muli, tondimi tu banuam.

VERSE 11
Sasude na burju roha, mangihuthon Jesus i
Sai dialo do musuna, paima tos hosana i

VERSE 12
Dirimu do musumuna, dohot sipangago i
Ia hangoluanmuna, i ma Tuhan Jesus i.

Subscribe ke channel ini


EmoticonEmoticon