VERSE 1
Hamu ale donganhu, sai tiru ma hatangku
Mamuji Debatanta na pangoluhon hita
VERSE 2
Sai songon na mardalan, tabolus angka taon
Disi dope hosanta diudut Debatanta.
VERSE 3
Ai songon inaina, manjaga anakkonna
Laos songon i Tuhanta, dijaga do hosanta
VERSE 4
Tutu do Tuhannami, ndang haramotan hami
Satongkin tondinami, nang pe pamatangnami
VERSE 5
Pinuji ma goarMu, dibahen sude basaMu
Manatap na hasea di hami na marjea
VERSE 6
Asi rohaM o Tuhan, tangihon pangidoan
Na hupasahat hami tu Ho o Tuhannami
VERSE 7
Ramoti hosanami, ro di pamatangnami
Padao ma parsahiton nang jea pe o Tuhan
VERSE 8
Tumpahi na niula, di hauma nang di huta
Pasingkop bohalnami mangudut ngolunami
VERSE 9
Sai dohot na ummarga, sian saluhut arta
Tu hami ma tumpakkon i ma TondiM o Tuhan
VERSE 10
Togihon hami sahat tu hangoluan sogot
Tumean hasonangan na di banuaginjang.
