VERSE 1
O Raja na sumurung, o Jesus Tuhanki
Na so hea marujung, do harajaonMi
Pasangap ma goarMu, di hasiangan on
Paro harajaonMu, di atas tano on.
VERSE 2
Parroha sian purba, na ro sumomba Ho
Diboan siluana, lao pasangaphon Ho
Diida do bintangmu, na marsinondang i
Paboa nunga tubu, Ho Sipalua i
VERSE 3
Ho do marhasangapon, hian o Tuhanki
Alai di hamoraon, ndang ringkot rohaMi
Ndang ro Ho manjalahi, ugasan tano on
Na porsuk do ditaoni Ho di portibi on
VERSE 4
Laos tong do Ho marsangap, huhut na songkal pe
BasaM do na gumortap nang hatigoranMi
Sude na burju roha, do diramoti Ho
Alai na jungkat roha, sai aloonMu do
VERSE 5
Asi rohaM di ahu, pamasuk ma au on
Tu na nirajaanMu, pasonang au tongtong
Sude na tau pangago, pabali sian au
Ai naeng tigor tu surgo, tongtong mardalan au.
VERSE 6
Lopokkon tu rohangku, hataM na sintong i
Patiur ma rohangku, marhite bintangMi
Ho ingkon oloanku, rap dohot dongan i
Tongtong do Ho Rajangku, nuaeng nang sogot pe.
