VERSE 1
O ulu na sap mudar, binaen ni bugangMi
Na sian janggarjanggar sisungsang duri i
O ulu hatongamon hian do tumpalMi
Ditaon Ho haleaon Ho naeng sombaonki
VERSE 2
O bohi parsinondang, na sangap situtu
Beasa tung marlangan sap ijur hurumMu?
Tung aha ma alana, umbaen homur mataM?
Na mintop do sondangna di na lao tos hosaM.
VERSE 3
Au on tama o Tuhan, manaon na tinaonMi.
Dosangku do diporsan Ho na tarsilang i
Sai tatap ale Tuhan, au na dijoloMon.
Huhut sai patuduhon, basaM tu rohangkon.
VERSE 4
Ai Ho do Siparmahan, au pinarmahanMi.
Sai Ho do haroroan ni hatuaonki
Sai Ho do haolhaolonku, marningot bugangMi
Sai Ho do tioponku, marningot mudarMi.
VERSE 5
Las situtu rohangku huhut mansai sonang
Marningot pangkophopMu di ahu nahinan
Ndang be huhabiari nuaning dosangki
Tung mate au saonari martua au disi.
VERSE 6
Mandok mauliate do rohangkon nuaeng
Di Ho naung olo mate, ai sonang au dibaen
MudarMu i na durus nang angguhanggukMi
Sai jalo au, o Jesus dihamamatengki.
VERSE 7
Di na tadingkononku sude di tano on
Disi ale Tuhanku dapothon ma au on
Di na ponjot rohangku manostos hosangki
Sai jangkon ma tondingku marhite mudarMi
VERSE 8
Ho ma pangondinganku, siapul rohangki
Di na lao tos hosangku, di hamamatengki
Disi ma ingotonku, sude na tinaonMi
Na timbul do tuangku lao mate songon i.
