VERSE 1
Sai tapuji Debatanta, ale hajolmaon i
Ai naung hehe do Tuhanta, sian hamatean i
Dipasidung Jesus i ulaonNa sasude
Patupahon haluaon di saluhut hajolmaon.
VERSE 2
Anggo utang ni dosangku digarari Jesus i
I do haporseaonku di na tinaonNa i
Nunga tulus patik i nunga mintop rimas i
Di na hehe i Ibana ro di au hangoluanNa
VERSE 3
Ia ho banuatoru nunga harhar talimi
Ai dung hehe na gumogo loha do hurunganmi
Surgo i tarungkap do dung ditaban Jesus ho
Gabe tu hangoluanna diarahon do donganna.
VERSE 4
Dohot ho, o hamatean Nunga mago soropmi
Suruhonku pe udean, ndang na tinggal au disi
“Anggo au mangolu do, sai mangolu dohot ho!”
Ninna Jesus tu rohangku, molo ro hamateanku.
VERSE 5
On tongtong di halashon Nunga hehe Jesuski
Dohot ma hamu donganku, angka na tinobus i
Sai tapuji Debata, sai tadok Haleluya
Na mangolu do Tuhanta, ala ni sai las rohanta.
