Selasa, April 09, 2019

Lirik lagu BE 92 - PUJI MA NA MANALUHON


VERSE 1
Puji ma na manaluhon, dosa hamatean i
Puji ma na Pangoluhon, saluhut pardosa i
Jesus na dung mate i, las roham o huriaNa
Ala na mamillit ho, Jesus i mangolu do

VERSE 2
Tole hita mangendehon, halalas ni roha i
Dohot marolopolophon, sangap ni na monang i
Na tongtong mangolu i, tole hita mangendehon
Halalas ni roha i, di parngolu Jesus i.

VERSE 3
I do las ni rohanami, lao mamujimuji Ho
Ndang be sitoruan hami, ala na dung mate Ho
Dungkon ni mangolu Ho, nunga ringan tondinami
Sian hangoluanmi, ala hamonanganMi

VERSE 4
Uju i di na manogot di na buha siang i
Mijur do surusuruan, laho tu tanomanMi
Dung diungkap batu i, dipahundul ma ibana
Paboahon di na ro, ndang be dibagasan Ho

VERSE 5
Tu tanoman si Maria, paturehon bangkeMi
Tung beha ma di rohana, dung dibege hataMi?
Dohot mangalusi i? Au pe idaonku sogot
Ho di hasangaponMi Ho, o Jesus, Tuhanki.

VERSE 6
Molo hehe pamatangku, molo pinasangap au
Idaonku Debatangku Jesus Sipangolu au
Suman tu Ibana au, molo hehe pamatangku
Jadi ngolungolumi, gabe hangoluanki.

VERSE 7
Ala ni sai las rohangku, nang pardagang au dope
Ho tinatap ni matangku, atik pe na dao dope
Mian do TondiM di au, asa tong togu rohangku
Mangeahi surgoMi, paima sahat au tusi.

Subscribe ke channel ini