VERSE 1
Ida hinadenggan ni, angka na saroha i
Parpambaenan na burju, nang hatana pe tutu
VERSE 2
Sai hushus uapna i, songon bungabunga i
Angka na tinompa i, pajengkarhon tano i.
VERSE 3
Doshon nambur do tahe, na sumorop sasude
Denggan ni parsaoran ni, dongan na saroha i.
VERSE 4
Di parbaga Debata, tu na marsaroha, da,
Pasupasu na godang, i ma roha na sonang
VERSE 5
Ai di dia jumpang be, haholongon i tahe?
Ndang tarida i dison, nang di liat tano on.
VERSE 6
Holan di dirina be, do mansari jolma i.
Dongan ndang ditatap be, songon i do sasude.
VERSE 7
Ale Jesus, Anak ni Debata Jahowa i.
Tatap hajolmaon on di sandok portibi on.
VERSE 8
Sai usehon ma tusi, holong na di rohami;
Sai ajari jolma i, masihaholongan i.
VERSE 9
Sai padomu ma muse, na so olo saor dope
Nang pe rohanami on, sai pasada ma tongtong
VERSE 10
Ale Tuhan, togu ma, hami on tu Debata
Na marholong roha i, salelenglelengna i..
