Rabu, April 10, 2019

Lirik lagu BE 39 - BEHA MA PANJALONGKU



VERSE 1

Beha ma panjalongku, di Ho O Tuhanki?
Beha ma panomungku, di Ho o Rajangki?
Sondangi ma rohangku, na holom na bodo
Ai naeng patupaonku, las ni rohaM di Ho

VERSE 2

Pangisi ni SionMu, do mangolophon Ho
Laos songon i rohangku, lao mandapothon Ho
Na ringgas do rohangku, mamuji goarMi
Na daulat do sangkaphu, patulus rohaMi

VERSE 3

Ai ndang adong na hurang, na pinatupaMon
Mambaen tu au sumuang, dame ni rohangkon
Ai di na marsak ahu binaen ni dosa i
Ro Ho ale Pangolu mandaoni sahithi.

VERSE 4

Tung aha ma alana, umbaen ringkot roham
Tumopot manisia, nda holong ni rohaM?
Nda asi ni rohaMu di na tarsosak i?
Ai naeng pangoluonMu sude naung mago i

VERSE 5

Di na tarihot ahu ro Ho mananggal au
Di na tarhurung ahu, Ho paluahon au
Ho do na pasangaphon na lea on hian
Ho do na pamorahon na pogos on hian

VERSE 6

Hamu na holso roha binaen ni dosa i
Tangihon boaboa na sian surgo i
Naung ro do Sipalua disuru Ama i
Pasonang rohamuna mamboan dame i

VERSE 7

Ndang be habiaranmu, sude pangago i
Ai nunga ro Rajamu mangalo sasude
Maporus do luhutna dibaen Rajanta i
Rendep do sasudena di adopanNa i

VERSE 8

Ro do Ibana sogot di ari uhum i
Ingkon disi tarsonggot pardosa na tois i
Alai na holong roha marlas ni roha do
Disi ma dohononna Pinuji Ho na ro!

Subscribe ke channel ini