VERSE 1
Las be ma rohamuna na tigor roha i
Naung ro do Rajamuna mamboan tua i
Ndang marpanggortap i anggo di haroroNa
Alai tuk do gogoNa padaohon jea i
VERSE 2
Ndang dilului rohana dison sonangNa i
Di surgo habangsaNa, harajaonNa i
Ai naeng buni dope di tano on sangapNa
Dung tulus pe sangkapNa patar ma i sude
VERSE 3
Hamuna angka raja oloi ma Raja on
Ai hangoluanmuna do dipatupa on
Ai molo tois hamu manjua di hataNa
Sai talu do rimasNa mangago tu hamu
VERSE 4
Hamu angka na sangap didok portibi on
Ibana do sumangap di hasiangan on
Sai bege hatai sai unang ma mandali
HataNa nang sahali tu rohamuna i
VERSE 5
Hamu na marsak roha di hasiangan on
Dibaen godang ni dosa na di portibi on
Sai hehe ma hamu padirgak ulumuna
Ai hamoraonmuna do Jesus i tutu.
VERSE 6
Tibu ma ulahanna manopot jolma i
Sude hasangaponNa tarida ma disi Sai
borhat ma hamu manomu Rajamuna
Pagalak sulumuna Ibana ro tibu.
